" الفنان احمد زكريا يعبر عن سعادته بردود افعال الجمهور بنجاح اغنية "ليني بقى"
أجرى الحوار: ميار رودس
في البداية نرحب بحضرتك في مبادرة'' الشباب'' للعمل ممكن تكلمنا عن رأيك مبادرة الشباب؟
والله أنا مبسوط وفرحان بالمبادرة دي حاجة جميلة جدا ان احنا نشجع الشباب على فرص العمل ليهم على أنهم يشتغلون على نفسهم وطبعا فكرة أنهم ليهم فرص عمل دي حاجة هائلة جدا أشكرك عليها و يارب يوفق الجميع بإذن الله
بعد نجاح أغنية '' ليني بقي'' اللي حققت نجاح كبير كلمنا عن الصعوبات اللي واجهتها فيها؟
بالعكس تماما مكانش في صعوبات دي كانت لذيذة جدا وسبحان الله كانت خفيفة وعدت تحضيرتها كانت في منتهى الجمال في كل حاجة طبعا أول حاجة اسمحيلي إني أنا اشكر شركة الإنتاج البيت الكبير لايف ستايل استوديوز وتحديدا الشيخ نادي الزاهد الاخ الاكبر أنا بشكرو جدا على كل حاجة هو عملها للأغنية طبعا التعاون كان مثمر بيكم أنتم اللي نجحتوا الأغنية هذه بفضل ربنا عليا وبالنجاح من الناس اللي سبورت ليه اللي دايما تسمعني أنا مبسوط جدا الإنتاج كان فوق الهائل تحضيرات كانت هايله واسمحيلي إني أنا اشكر كمان المخرج الكبير فادي حداد مشكور على التحضيرات
كل حاجة هو تعب معايا جدا تجهيز في الافكار بس الحمد لله كان في لوكيشن كان زي الفل
مكان التصوير الكليب كان فين؟
طبعا الأغنية دي تصورت في لبنان منطقة البترون في عز العاصفة في المطر في كل حاجة في بيروت كان وقتها كان في عاصفة كنت حوالي 10 ايام كانت الجو مطر وثلج
قعدت فترة قد إيه؟
قعدنا حوالي 15 ساعه متواصلة تصوير بدون راحه
ما رأي حضرتك في التصريحات التي يصدرها الفنان مصطفى كامل نقيب الموسيقين بالنسبة لمطربين المهرجانات و الراب؟
أتمنى إني أنا أبارك للمطرب الكبير مصطفى كامل ربنا يا رب دايما يوفقه وياخذ قرارات صائبه بس وحابب أقول ان أنا ضد المنع ويجب علينا ان نرشد المطربين الي الطريق الصحيح في حاجة غلط و ندلهم على الأصح لأنه ده فن وقبل أي حاجة ده اسم مصر
هل في حاجة قريب حضرتك هتنزلها؟
اه طبعا ده خبر حصري لكم في أغنية ولدي إن شاء الله تنزل خلال الأيام الجاية دي