أجري الحوار _ ميار رودس
أستاذ إيساف أنا مبسوطة جدًا إننا قابلنا حضرتك النهاردة.
حابة أعرف إيه رأي حضرتك في المبادرة؟
والله إحنا في فترة مبادرات في مصر ،أول حاجة أنا كمان سعيد بوجودي في اسكندرية ،اسكندرية عشق بصراحة بالنسبة لأي حد قاهري أنا مابصدق يجيلنا أي حاجه في اسكندرية بنيجي جري عشان هي بلد السحر والجمال والفن بلد كل حاجة جميلة
بالنسبة للمبادرة فإحنا في فترة مبادرات بتحصل وأغلبها بالنسبالي بيبقى مفرح أي مبادرة إيجابية حاجة حلوة فأنا شايف إن دا حاجة حلوة جدًا وإن شاء الله دائمًا لقدام كدا.
كلمنا عن نوعك المفضل من الأغاني؟
أنا بحب النوع الكلاسيك والأغاني الشرقي ولكن لم أظهر بهذا الشكل حتى الآن ولكن أتجهز لذلك وأنا أصلًا مغني شرقي والأغاني الكلاسيك أصعب من الشرقي، صعب على المغني الشعبي يغني كلاسيك لكن سهل على المغني الكلاسيك يغني شعبي
حضرتك طلعت أغنية من فترة اسمها في حلاوة كدا كسرت الدنيا إيه رأيك في الفيد باك ال حصل من الجمهور ؟
الحمد لله أنا كنت متوقع إنها هتجيب مع الناس؛ لأن الناس بتحب الحاجات اللي فيها حاجة مناغشة وهي كان فيها كدا وإحنا صورناها بشكل لطيف والحمد لله المتوقع حصل
وأوضح أيضًا إيساف: التعليقات السلبية لا تغير تفكير ولا تؤثر بي ولا أرد على أحد لان لا احد يتفق على شيء واحد، أكثر الردود التي جاءت على الأغنية كانت مبهجة، كنت سعيد إن الناس استخدمت كلماتها في حياتهم.
عايزة حضرتك تدينا كلمة للشباب اللي هتبتدي تدور على فرص عمل ؟
بصي كلنا كنا شباب وبندور على فرص عمل يعني أنا مثلًا كان حلمي أكون بغني مبدأتش كدا بالعكس بدأت إن أنا أشتغل أي شغلانة تانية لأن دائمًا أنا عندي يقين إن أكيد هتلاقي باب بيفتح في الآخر حتي لو مش في طريق هدفك لازم أنت تسعى للحاجة اللي أنت عاوزها
أنا نفسي كمغني عرضت نفسي على كل الشركات في الأول وبقيت أروح وأجي وأترفض ويتوافق عليا لحد ما الموضوع ربنا كرمني فيه هي بتبقى كدا بتيجي كدا فأنا بقولهم دائمًا إن السعي هو الموضوع.
في أعمال قريب ؟
وأختتم إيساف حديثه: يأتي ليا عروض كثيرة ولكن الآن أختار الأعمال الجيدة عن السابق لآن الأول لم يكن لدي نضج فني ولكن الآن أصبح متواجد والتمثيل أهم شيء فيه الورق لذلك
لذلك اختار الشيء المؤثر اللي بيسيب علامه وفيلم "كازانوفا" كان دوري حلو جدًا وأثر فيا وإداني ثقة بالنفس علشان عملت فيه مشهدين ارتجالي بالتنسيق مع المؤلف هيثم والمخرج أسامة فضل.