حوار خاص لجريدة النيل اليوم مع خبير الأزياء "محمد هلالي"
أجرى الحوار : أمنية حاتم
شوفنا دايما دعاية كتير جدا لبراندات وماركات كتير للموضة والأزياء لكن نادر جدا نشوف شخص مهتم بالبروتوكول و الشكل النهائي للعميل وليس فقط الشكل النهائي لتصميم معين ولكن كيفية تحل كل المشاكل اللي بتواجهك فيه وكيفية الحافظ على الملابس وطرق تنضيفها ، بالإضافة لتنسيق الألوان واختيار الأفضل لكل مناسبة مع خبير الموضة والأزياء محمد هلالى ( helali ) وحوار حصري فقط مع جريدة النيل اليوم
https://instagram.com/helallii?igshid=YmMyMTA2M2Y=
_ هل بتقدر توفق بين شغلك و هواياتك و وشغلك الخاص بالأزياء على السوشيال ميديا؟
اه الحمد لله مع شغلى فالبنك بحاول اسيب مساحة للجيم والكوره وقت فراغى ف الفيديوهات و القراية و الأفلام الوثائقية على قد ما اقدر قادر أوفق كل ده مع السوشيال ميديا و أفيد الناس
_ مين ساعدك تبدأ حلمك وتطوره ؟
صحابى فضله يشجعونى كتير على الموضوع بذات صاحبى من أيام الكلية كان دايما مشجعني بالتصوير والكلام ف اللبس الدائم و بنتكلم ف تفاصيل اللبس في الأغلب والتريندات ومن بعدها والدتى بصراحة اللي كانت بتوصل بيها ساعات تصحينى تقولي مش هتعمل فيديو النهارده مش هتجرب طيب تبقى زيهم ، حاول تعمل حاجة بتحبها أنت شاطر وبتحب الحاجة دي ، وفعلا ابتديت بإضاءة بسيطة كده و كاميرا موبايلى ومع الوقت بدأت أطور من نفسي في الإضاءة والكاميرا .
_ حابب تذكر اسماء اصحابك ؟
اه حسين نبيل
_ قابلت احباط كتير ؟
اه بالذات في الكومنتات أول ما بدأت مكنتش فاهم ليه الهجوم الرهيب ده من المصريين و العرب عموما أنا يادوب بتكلم عن اللبس مأذتش حد بس قصاد ده كنت بلاقي جيش بيرد عليهم من غير ما اتكلم في الأغلب ، و كان ف ناس بتقعد تقولي إيه يا ابنى اللي بتعمله ده وكفياك و بطل ولا مش حلو احنا عايزين مصلحتك بس أبطل ليه طول ما انا بعمل حاجة بحبها ومش بأذى حد ولا بترجع بأثر سلبي على الدين أو تعاليم و أفكار الإنسان اللي بيتفرج عليا .
_ طب اي الصعوبات اللي واجهتك ؟
هى صعوبات نتايجها حلوة و أثارها أحلى إنى اتعلمت يعني إيه تصوير و برامج ايديت جديدة خدت منى وقت كبير ، صحاب ليا كتير مكنوش مقتنعين وبيوقعوك بس برضه كنت بكمل كنت عارف إني هوصل في مرة طول ما بسعى اتعلمت في الآخر محدش هينفعك غير نفسك فأبدأ وخد خطوة في اللي نفسك فيه .
_ كنت بتعمل اي عشان تتغلب على كل الطاقة السلبية اللي واجهتك؟
كنت بعمل فيديوهات تانية وبقول انا لو كنت مش عاجب ١٠ أشخاص فى الفيديو ده ان شاء الله اللي بعده يقله ل ٧ اشخاص هشوف ايه غلط وأحسن منه وإيه حصل ف التصوير والمعلومة و أخليها أحسن واتعودت الكلام السلبي ميقصرش فيا بالعكس كان بيخلينى أحاول أكون أحسن .
_ طب لو طلبنا منك تقترح لنا فيديوهات تساعدنا في موضة 2022، هتكون أي ؟
مثلا فيديو بيتكلم عن الألوان الصيفية لموضة ٢٠٢٢ وكيفية تنسيقها بأبسط الأشكال بعدة أفكار .
https://www.instagram.com/reel/CcimK7jKYiV/?igshid=YmMyMTA2M2Y=
وفيديو بيتكلم عن خدع تستعملها ف اللبس عان تبان أشيك بأقل باقل الإمكانيات أو بالمتاح عندك ف البيت و تغطي على الديفوهات أو الغلطات اللي بتعملها .
https://www.instagram.com/reel/CdN85g2D9JI/?igshid=YmMyMTA2M2Y=
_ بما إنك من محبي القراءة وتنمية الذات عرفنا على الكتب القريبة لقلبك وكانت دايما عامل تحفيزي لك ؟
العادات السبع للناس الأكثر فاعيلية
الان أفهم للدكتور أحمد خالد توفيق
كتاب السر .
القادة العظماء ليس لهم قواعد ( يمكن ده اكتر كتاب حفذنى عشان كل ما كنت بقرأ عن حد أسيب الكتاب وألف وراه و اشوف تاريخه و تاريخ شعبه و حضارته و حروبه و مات ليه و تعب ليه و استراتجيات الحرب بتاعتهم ) فكان اجتهاد شخصي بصراحة مش كتب بس
_ طب اي خططك الجاية لتطوير مجال شغلك ؟
ناوي أعمل تيم صغير كده نشتغل كلنا على المحتوى من تصوير وإخراج و سكريبت بحيث ندي الموضوع حقه أكتر ونبدع فيه بكذه عقل وزاوية أحسن نخرج بيها ملخص الناس تستفاد بيه بكل سهولة .
_ مفكرتش تصمم يكونلك براند خاص بالهلالي ؟
شهر ٤ اللي جاى كنت ناوي ابدأ في براند لبس من أفكاري و تصميمي بصراحة وكاتب ده ف كشكول مشاريع صغير عندي كده .
_ في الختام تحب تنصح الشباب المقبلين على بداية حياتهم العملية بإيه ؟
انصحهم بالسعي عشان عمرك ما هتوصل غير وأنت بتسعى وواثق فى ربنا وتحاول مره واتنين و تقع و تشوف وقعت ليه و تكمل ف التالتة زى ما أنت بنوصل في الاخر ، حب نفسك ووقتك عشان تقدر تثق فى حالك ، الحلاوة مش بالبس أبدا الحلاوة ب اللي بيلبس قد ايه واثق من نفسه يجبرك تشوف الحاجة حلوة عليه
أخيرا استثمر فى حالك لانك سلعة لا تبور مهما ظروف الدولة اتدهورت طول ما انت مطلوب ومميز عن غيرك عمرك ما هتقع و ١٠٠ شغل هيطلبك ، دايما اسال نفسك ازاى اكون مميز عن غيرى فى شغل ، علاقة ، حياة.