أجري الحوار _ مي جمعة
_ ممكن في البداية نتعرف مين منار ؟!
انا اسمي منار صلاح ، عندي 20 سنة و بشتغل makeup artist .
_شغلك كا ميكاب ارتست كانت هواية ولا بشكل احترافي ؟
هواية و اشتغلت علي نفسي مع الكورسات طبعا .
_لو فرضنا إن في عروسة جتلك و شكلها مرهق جدا ممكن تعملي ايه ؟
بحاول علي قد ما اقدر اهدي بشرتها بالمرطبات و أهديها هي شخصياً علشان تبقي مرتاحه ليا و متقلقش ولا تكون متوترة علي قد ما اقدر .
_ لكل شخص ناجح قدوه في مجاله مين قدوتك ؟
مروه يحي .
چايكوب من العراق .
_بتختاري الوان الميكاب للعروسه حسب بشرتها ولا حسب الفستان ؟
حسب الفستان و حسب لون البشرة اكيد و الألوان اللي تليق عليها في بنات مش بيليق فيها الفواتح و بنات بتبقي حلوه جدا فيه و طبعا بنختار انا و العروسه اللي يريحها لحد ما نطلع الشكل المناسب و اللي يليق عليها و تبقي مبسوطه بيه .
_ممكن تقوليلي ايه الموضه لسنة 2022 في ألوان الميكاب ؟
الوان النود و الترابي .
_الميكاب بيرتبط بموضه معينه ؟
دايما بيكون الموضه الميكاب النو ميكاب بس الاحسن نشوف اللي يليق علي اللي قدامنا .
_نصيحه لكل عروسه تهتم ببشرتها ازاي قبل الفرح ؟
اهم حاجه اهم حاجه بلاش wax أو تنضيف بشره قبلها بيوم بلاش عشان بتضرينا و بتضري نفسك في أهم يوم في حياتك ، مسموح تنضيف بشره قبلها ب 15 يوم علي الاقل .
_عايزه تعملي ميكاب لمين من الفنانين ؟
مايان السيد
_عايزه تحققي ايه في مجالك الفتره الجايه ؟
افتح مكان ليا و اسمي يكون معروف اكتر و اكبر لان بحب شغلي .