أنا أسفه إني مبعرفش اطبخ
واسفه إني ماليش في ربط الكرافتات
انا أسفة أنى بعمل الشاى بالخل .
واسفه إني هبوظلك وش القهوه .. لو أنتظرتها من أيدى .
أنا أسفة لو رسمت لك حياة بيتعيشها النهاردة مع غيرى .
أسفه ليك و ليهم قبلك ... لأنك مش هتشوف تفاصيلهم .. بينك و بين نفسك .... منتظر منهم تشوف تفاصيلى أنا .
أسفة انك بيتدور على واحدة فى جدعنتى فى حياتك ..
أسفة أنك بيتدور على واحدة بتاعة شغل و تكمل بيها أحتياجك ليا .
أسفه انك اضطريت تدخل فى أكتر من حدوته بيتحاول تلاقى أقرب شبة ليا .
أسفه .. لو طلعت ست مبتكررش فى الحياة .
أسفة انى بوظتلك لك كل حاجه فى حياتك كانت موجودة قبلى ..
أسفه .. لو ربيتك من جديد .
أسفة لو جنانى أتفهم غلط .
أسفه .. أنى مقدرتش أفهمك ..
أسفة .. أنى مقدرتش أخليك تفهمنى .
أسفة .. أنى دخلت بينا اللى يسوى و ما يسواش .
أسفة انى كنت بحبك .. .. و أسفة أكتر أنى قررت أبطل أحبك 👌
انا .. أسفة و أسفة و أسفة ..
أسفه من هنا لحد أخر يوم فى عمرى و عمرك .
أسفة ... انى كنت بدور جواك على شخص غيرك . ..
أسفة .. انى معرفتش أقبلك زى ما أنت .
أسفة .. انى مكنتش شيفاك صح .
أسفه .. انى معرفتش أخليك تقبلنى زى ما أنا
أسفة ... انى كنت أنانية فى حبى ليك .
أسفة .. لأنى كنت متطلبة ... فى وقت انت كنت مش مستعد ليا .
أسفة .. أنى جيت لك فى الوقت الغلط .
أسفه .. أنى دلعتك
أسفه ... انى متعلمتش ازاى اقولك لأ .
أسفة ... انى كنت يشيل عنك المسئولية .
أسفه ... أنى سمعت كلامك ..
أسفه ... أنى كنت بطفى النور .. كل ما تحاول تشوف حل تخلينا لسة نكون سوا .
أسفة .. انى تعبتك .
أسفة .. .. انى فضلت فى البدايات و مش مشيت
أسفة ... أنى مشيت
أسفة ... انى رجعت متأخرة
وأسفة أكتر .. أنى لما لقيت الوقت أتاخر حاولت أحارب القدر.
