كتب -ياسمين إبراهيم
أصعب شئ ممكن يواجه الطفل هي عدم القدرة على المشي أو فقدان الحركة بشكل جزئي وقد يتطلب الأمر استخدام العصا أو الكراسي المتحركة.
طب ايه سبب الإعاقة الحركية؟
إصابة المخ بخلل معين يؤثر على الحركة عند الأطفال.
عارفين أصعب إحساس على الأمهات والأباء أن الطفل يقول ياماما نفسي العب نفسي امشي نفسي اجري لكن سبحان الله ربنا وضع في قلوب الأطفال المعاقين حالة من الرضا والسعادة زي الطفلة سما عندها ٨ سنوات البنت دي اتولدت مصابةبصعوبات في التوازن بالمشي مش عارفة تلعب ولا تتحرك كانت بتزحف على الأرض علشان تلعب مع اخواتها كانت بتخلق لنفسها جو من المرح والسعادة وللأسف الإعاقة الحركية الدماغية مش بس أثرت على المشي كمان أثرت على التعليم البنت عندها انخفاض في مستوى التحصيل الدراسي والذاكرة السمعية والبصرية قصيرة المدى مع ذلك الأسرة بتسعي جاهدة توفير كل ماتحتاجه هذه الطفلة بالرغم من تكلفة العلاج الطبيعي على الأسرة إلا أن الأسرة بتسعي علشان الطفلة تقدر تمشي زي اخواتها في البداية البنت كانت لاتدرك مهارات ماقبل الأكاديمي ولكن ما الوقت بدأت تمسك القلم وتعرف تميز الحروف وبدأت تمشي خطوة واحدة بس الطفلة رافضة فكرة أنها معاقة بتسعي تكون حاجة كبيرة بالرغم من إعاقتها عندها حالة من الرضا والاستقرار النفسي دايما الإبتسامة على وشها
عارفين احنا المفروض نتعلم منها ومن كل طفل عنده إعاقة نتعلم منهم الرضا بحالنا والسلام النفسي.
لو عايزين نعيش في سعادة اتعلم دايما تشوف حال اللي أقل منك ساعتها بس هتحمد ربنا في كل لحظة وكل ثانيه على نعمة الصحة.
في نهاية كلامي اتمنى الدعاء لسما بالشفاء العاجل واتمنى ان سما تكون نموذج يحتذى به لأي شخص مش راضي عن حاله يتعلم منها الرضا والتحدي والإصرار.
