كتب_أمينة حسن
بسمة الوليد رسامة،تبلغ من العمر 24 عام،تخرجت كلية فنون جميلة قسم ديكور،يبلغ عدد متابعيها على موقع "إنستغرام" أكثر من 50 ألف متابع.
_أكتشفتى موهبتك أزاى؟
من وأنا صغيرة بحب الرسم جدا وكنت دايما بدخل أى مسابقات ليها علاقه بالرسم ولما كبرت ودخلت فنون جميلة ده أداني ثقه في نفسي وشجعني أكتر اني ابدأ أشتغل في المجال دة.
_مين أكتر حد بيشجعك؟
أهلي أكتر ناس شجعوني ووقفوا جمبي وكانوا مقتنعين بموهبتي.
_أى أكتر مشاكل وجهتك؟
الاختلاف والزيادة في أسعار الماتيريالز وعدم تقدير بعض الناس لقيمة الرسم والهاند ميد.
_نفسك توصلى لأية؟
يبقي ليا براند كبيرة فكرتها تحويل أي حاجه في الدنيا لقطعه فنيه مميزة عن طريق الرسم.