كتب - كيرمينا جميل
لأول مرة يكشف الفنان المصري " ياسر جلال " سر غيابه و تراجع أسهمه في عالم الفن رغم انطلاقته القوية في مسلسل " سعد اليتيم " عام ١٩٩٧ م و مشاركته النجمة " نادية الجندي " بطولة فيلم " بونو بونو " كأول نجم من جيله .
أكد الفنان " ياسر جلال " أن شخصية مهمة لن يذكر اسمها منعته من التمثيل ، و ضغطت على شركات الإنتاج لمنعه من المشاركة في أي عمل فني بسبب قصة يحتفظ بتفاصيلها .
و قال أيضاً : " أنا اضطُهدت بسبب قصة معينة ، و ده أثر عليّا في شغلي ، و شبه تم منعي من ممارسة التمثيل اللي هو أكل عيشي و تخصصي و أنا مكانش ليّا فيها ذنب ، و مكانش المفروض من حق حد يعمل كده ، خاصةً أني كنت في عز نجاحي ، كنت ناجح جداً بعد مسلسل " سعد اليتيم " عام ١٩٩٧ م " .
وواصل كشف تفاصيل الأزمة بقوله : " المسلسلات اللي كانت بتجيلي ترجع تتاخد مني تاني مكنتش عارف إيه السبب ، لحد ما زميل ليّا قالي السبب ، حد كبير أوي كان حاططني في دماغه و هو اللي كان مانعني من الشغل مش هقدر أقول اسمه طبعاً ، و ده أثر على نفسيتي جداً ، كنت بركب عربيتي و أمشي ألاقي دموعي بتنزل لأني مكنتش عارف أعمل إيه ، و ده من المواقف العصيبة عليّا جداً جداً " .