كتب - كيرمينا جميل
تعرض الفنان " أحمد فهمى " للمهاجمة بعد الإشتباكات اللفظية التي نشبت بينه و بين لاعب الزمالك محمود عبد الرازق " شيكابالا " .
و قالت الفنانة " هنا الزاهد " في تدوينه منشورة عبر حسابها على موقع التواصل الاجتماعى فيس بوك : " بعيداً إن شهادتي فيه مجروحة لأن الناس هتقول بتقول الكلام ده عشان جوزها ، أنا لا بفهم في الكورة ولا بتفرج عليها بس بشوف قد إيه الإنسان ده بيحب يكون عفوي و بينسى أنه ممثل و بيتعامل مع كل الناس بكل ذوق حتى في الشارع و في التصوير و في كل مكان و الناس اللي عرفاه عرفين ده كويس ، أنا عارفة أنه الناس بتفضل تقول لا ده ممثل مينفعش يقول رأيه " .
و أضافت الفنانة " هنا الزاهد " في رسالتها : " بس للأسف الإنسان ده بينسى و بيخسر من كتر ما هو اللي فى قلبه على لسانه و مش بيحب ينافق ولا بيرضي حد عشان يكسب جمهور زي ما ناس كتير بتعمل كده ، لما بيكتب رأيه بيكتبوا على أكونت فيس بوك اللي في صحابه زيه زي أي حد أهلاوي بس للاسف بتطلع أخبار بالكلام اللي بيقولوا عموماً أنا عايزة اقولك انك قلبك طيب و عفوي بزيادة و بتقول اللي جواك من غير متحسبها عشان بتنسى أنك ممثل أصلاً بس الأيام دي مينفعش تبقى كده للأسف ، و اعمل اللي يريحك لأنك إنسان و إحنا كده كده بنحبك جدا " .
و لكن كان قد وجه المطرب " مصطفي حجاج " رسالة للنجم " أحمد فهمي " وكتب تعليقاً على تصريح فهمي بخصوص شيكابالا : " مش صح الأسلوب ده يا أحمد أنت فنان كبير ، و بعدين مفيش حد أسياد على حد دي كورة مكسب و خسارة على الجميع ، و شيكابالا لاعيب محترم ، أنا أهلاوي ، بس زى ما الأهلي بيكسب الزمالك برده بيكسب " .