كتب _ كنزي حازم
اشعلت قضية الشاب الذي تحرش واغتصب عدد كبير من الفتيات، مواقع التواصل الاجتماعي والرأي العام في مصر خلال الأيام الماضية، وأبدى بعض من نجوم الفن رفضهم لهذا الفعل الشنيع، ودعمهم لكل فتاة تعرضت للتحرش أو الاغتصاب.
وكان الفنان إياد نصار أول المعلقين على هذه الواقعة، حيث كتب عبر حسابه الرسمي على موقع «فيسبوك»: «بقترح إن التحرش يخرج من منطقة الجناية ويعامل معاملة الامراض النفسية الخطيرة، التي تستدعي يتحط المتحرش في مستشفى الامراض العقلية ويخضع لعلاج شديد.. شديد جدا..(اصله ده انسان مش فاهم ان العلاقه بتحصل بموافقة الطرفين.. ده شخص عنده خلل في دماغه).. فالاهل ممكن تقبل ان ابنها يكون متحرش وخارج من السجن.. (شب وطايش-مع ابتسامه غبيه).. بس مش حتقبل يكون مريض نفسي وبيتعالج.. بكده كل واحد حيعرف يربي ابنه انه مايطلعش مجنون».
كما عبر الفنان مراد مكرم عن رعبه من سماع ما حدث من ابنته وأعطى جمهوره بعض النصائح للتعامل مع أبنائهم لكي لا يخافوا عندما يتعرضوا للتحرش والاغتصاب، حيث كتب: «من امبارح بالليل لما بنتي قالتلي علي موضوع المتحرش والمغتصب ده وانا مانمتش وقاعد بقرا في الموضوع وفي دراسات علي النت و بتكلم معاكوا و بسمع من كل الناس.. وملخصي التالي.. نقطه نقطه، ارجوكم اقروها كويس و شيروها لكل اصحابكم.. ١-بنتك امانه في رقابتك ليوم مماتك،حتي بعد ما تتجوز ، انت برضه ابوها و سندها و ضهرها.. وانت يا ام نفس الشئ، انت الحضن و الحنان والاحتواء.. اوعوا حاجه تبعدكم عن بناتكم.. ولا شغل ولا فلوس ولا سفر.. مشغول؟؟؟ تكلم بنتك ٢٠ مرة في اليوم، اهتم بتفاصيل حياتها، فهمها مرارا و تكرارا انك بتحبها، طويله قصيرة تخينه رفيعه، بيضه سودا.. بتحبها زي ما هي اقبلها زي ما هي اعمل كل ما في وسعك ان ثقتها في نفسها تبقي في السما.. ده خط الدفاع الاول».
وتابع: «فهموا بناتكم ان حتي بعد كل الاهتمام ده، لو غلطت، ترجعلوكم انتو.. مش اي حد تاني، انتو اولي بمشاكلها، ولا صاحبه ولا صاحب ولا قريب ولا بعيد.. فهموها انكم هتجيبولها حقها الاول وبعدين تبقوا تتحاسبوا علي الغلط.. بس وقت الجد، هي ومصلحتها نمرة واحد"، وأضاف: "فهموا بناتكم الي بيحصل في الدنيا من غير تخويف، علشان ما تتعقدش ويأثر علي حياتها بعد الجواز، فهموها بكل الطرق، كل حسب بيئته، ودينه ومعتقده.. مافيش حاجه اسمها اروح لولد في البيت... طيب انتو open minded، وعادي دول اصحاب.. ماشي يا ستي ويا سيدي، انا مش هحكم علي حد، بس علي الاقل تبقوا عارفين رايحه فين ولمين وتكلموا اهلوه تتاكدوا انهم في البيت، وتتصلوا بيها كل شوية.. بقول ده وانا مش مقتنع، لاني انا صعيدي وماعنداش الكلام ده اصلا بس معلش، انا يهمني المعلومه توصل