كتب زينب حسنى
البكاء بيريح، أما تكون قاعد لوحدك مخنوق لو بكيت هترتاح، هترتاح اما يكون فى هموم ع قلبك ومش قادر تحكيها، ولا عارف هتتصرف ازاى ،وأنت زعلان ومدايق ومعندكش حد تجرى تحكيله مالك طبيعى لازم تعيط؛ علشان ترتاح.
البكاء مع نفسك عمره ما كان ضعف؛ بالعكس دى نقطة تغير للأحسن، أنك تبكى وتطلع كل اللى جواك وترتاح ده شىء كويس؛ علشان بعدها تقدر تكمل حياتك تانى ، اه هتكمل وجزء من روحك بهتانة وشبة انطفئت،بس أنت تقدر ترجع تنورها تانى ، زى ما بقيت سند لنفسك فى وقت كان مفيش حد فية جنبك،هتقدر تبقى الشمعة اللى هتنور روحك من جديد.