كتب_ نادية حسن
" ريما سعد" واحدة من أشهر الفاشون بلوجر والديزاينر على مواقع التواصل الأجتماعى، تقدم محتوى يبهر كل متابعيها، تبلغ من العمر ٢٢ عاماً من الشرقية خريجة كلية التربية، يتخطى عدد متابعيها 90 ألف متابع على مواقع التواصل الإجتماعي.
1- بدأتى إزاي؟
بدأت من وأنا صغيره جداً، تقريبا ٨ سنين بدأت في رسم حاجات مختلفة وأنسق الألوان بطرق مختلفة وحبيت الموضوع جداً وفضلت كده لحد ثانوية عامة كان نفسي أدخل كليه فنون جميله أو أكون في أي جامعة أدرس فيها التخصص اللي بحبه بس للأسف محققتش ده ويأست جداً إني أوصل للي عيزاه ، قولت هعمل أنستا عادي الموضوع بدء يكبر مني ويعجب ناس كتير لقيتها بتحب الاستايل بتاعى لقيت الانستجرام بيكبر شويه بشويه بدأت أشتغل على نفسي أكتر وعملت لنفسي أستور وقريب هيكون علي أرض الواقع براند باسمي.
2- إللي حابب يبدأ ويبقا زيك يعمل اى؟
يبدأ يتصور ويقدم محتوى الناس تستفيد منه محتوي يكون كويس مش مجرد أنك عايز تتعرف وبس لا تفيد الناس وتعلمهم حاجات جديده.
3- نفسك توصلي لأيه؟
اللي نفسي اوصله إن البراند بتاعي يبقي عالمي مش مجرد براند مصري وبس.
4- مين أكتر حد يشجعك؟
أختي وصحابي أكتر ناس وقفوا جمبي وطبعاً بابا وماما جداً حقيقي انا محظوظه بيهم.
5- جالك وقت قولتى فيه أنا مش هكمل؟
لما جه وقت عليا حسيت أني بتعب علي الفاضي بس رجعت قولت لا التقصير كان مني انا والحمد لله رجعت أحسن من الأول.
6- حابه تضيفى حاجه؟
اه نفسي بجد أوصل لمراحل أعلي من ال فيها، وعندي يقين أني هوصل باذن الله، عايزه أي حد عنده فكره يبدأ فيها حتى لو هيفشل بس ع الاقل هيتعلم وأسمها هيحاول ويفشل مره وأتنين بس يتأكد أنه هينجح في الأخر.
