كتب _ مصطفى عصام
هنسيب منطقة كوم الدكة ونروح لمنطقة موجودة فى حى مينا البصل أسمها منطقة كوم الشقافة،لأن هناك فى منطقة أثرية بترجع للعصور الوسطى،المنطقة دى أسمها مقابر كوم الشقافة ، وفى قصة مكان هنتعرف أكتر على المكان ده.
مقابر كوم الشقافة دي موقع أثرى تاريخى ، وبتعتبر وأحدة من أهم المناطق الأثرية الموجودة في أسكندرية، والمقبرة بتتكون من سلسة مقابر وتماثيل وبقايا أثرية أسكندراية كانت معمولة عشان عبادة الجنائز الفرعونية، وعشان الفترة الزمنية وقتها ، كانت سمات سراديب الموتى،بتجمع الثقافة اليونانية والرومانية والمصرية القديمة ، وكانت في تماثيل بتتعمل كانت مزيج بين المصرى والرومانى .
وكان في سلم على شكل دايرة كان موجود في منتصف المقبرة الرئيسية وبتودى علي المقابر اللي اتدفنت فى الصخور وده كانوا بيستخدموه عشان ينقلوا جثث الميتين.
وبترجع أهمية المقابر دي بسبب اتساعها وزخارفها وتخطيطها المتعقد ، كمان كانت بتعتبر مثال على التداخل اللي حصل بين الفن الفرعونى والفن الرومانى.
كمان بتعتبر أروع نموذج للعمارة الجنائزية ، وأتسمت بالأسم ده عشان الأواني الفخارية والكسارات اللى كان بيسيبها الزوار ساعة زيارتهم .
بدأ التنقيب فى المنطقة دى من سنة 1892 م ، وأتعثر على المقابر دى بالصدفة يوم 28 سبتمبر 1900 م وكانت الصدفة دى ان حمار وقع في منطقة المقبرة الرئيسية على عمق 12 متر ، فعرفوا مكان المقبرة الرئيسية.
وبيرجع تاريخ المقابر دي لفترة بين آواخر القرن الأول والقرن التاني يعنى من العصر الرومانى .
دي كانت نهاية حكاية مقابر كوم الشقافة ما تنسوش تروحوا هناك وتشوفوا المقابر دي.