كتب_إيمان محمد
حكى اللواء علاء مقلد موقف مؤثر عن عشقه لنادي الزمالك في إستضافته على قناة الزمالك .
حيث تحدث اللواء علاء قائلاً، كنت مفتش مباحث؛ وكان عندي شغل في الإستاد، وكان فيه ماتش للزمالك الماتش كان نهايته، والزمالك كان مغلوب 1/0 الكورة خرجت برة، وإتحسبت كورنر للزمالك وماكنش فيه غير كورة واحدة، علشان أكسب وقت جريت على الكوره أجيبها وخدتها، ورحت حطتها عن راية الكورنر علشان نلعب الكورنر، دا طبعاً لأن مافيش وقت؛ ودا علشان نلعب الكورنر بسرعة وما نضيعش الوقت، دا غير أن مدير المباحث شاف المنظر على التلفزيون، وإتصل بيا وقالي تيجي فوراً على المديرية مدير المباحث، قالي أيه اللي إنت عملته ده، إنت نسيت نفسك ونسيت وضعك تجري تجيب الكورة، بلشكل ده دا أنت هتاخد أقصي عقوبة، أنا هحرمك من المراقبه في متشات الزمالك لمدة عشر متشات، ودي بنسبالي كانت عقوبة قاسية عليا إني أتحرم من متشات الزمالك.