كتبت: نورسين حمادة
أعلن الفنان رامي جمال عن دعمه لمرضى البهاق وأنه سيقوم بأطلاق حملات توعية من أجل تعريف الناس بهذا المرض فقال جمال من خلال حسابه الرسمي بموقع تبادل الصور والفيديوهات أنستجرام: البهاق تعالو كل يوم نعرف حد حاجة عن الموضوع دا أولا دا مش معدي وبيبقا نقص في الخلايا الصبغية ولو أترفضت من شغل بسببه أبعتلي ونعرف الناس اسم المكان اللي مفيهوش أنسانية ولو أترفضتوا من اللي هتتجوزوه بسببه أنتم الكسبانين اللي بيبص على لون جلدك قبل لون قلبك أنسان فاضي لو في مدرسة وأصحابك مش فاهمين متزعلش أحنا نعرفهم وأكيد هيقدروا أن ربنا ميزنا البهاق ترجمة توتر وقلق فياريت كل الناس اللي عندها يبأة عندها الدعم اللي شوفته منكم
وأضاف: من ساعة ما كتبت والتليفزيون مبيتكلمش غير عليه دكاترة جلدية مشهورين عرضوا علاجي وأنا بقول لكم كتير أولى مني بالعلاج المجاني مؤكدا أنا مش هسكت وهعمل أغاني وحملات توعية مش هسكت ألا لما يبقا البهاق من علامات الجمال بقت مسؤلية أني أنجح وأبأة صوت كل اللي اتميزوا به وأدعمهم وأشوف فرحتهم زي ما فرحتوني وكان الفنان رامي جمال قد أعلن مؤخرا عن أصابته بمرض البهاق وذلك من خلال صفحته بموقع التواصل الاجتماعي فيسبوك ولفى جمال دعم كبير من الفنانين منهم زينة وحمدي المرغني وغيرهم