انهيار والدة ضحيه الكمسرى "بنتي ماتت بسرطان وابني بالقطار"


كتبت :بسمه سيد

قال السيد مندور، أحد أقارب "محمد عيد" ضحية "قطار طنطا"،"مش مصدق لحد دلوقتي"،بنبرة يملؤها الحزن والوجع، يتذكر الذكريات التي ربطتهما معا وعيناه لا تتوقف عن البكاء: "أنا ابن خاله ساكن بعيد عنهم في كفر الشيخ لكن كنا دايما بنطمن على بعض، آخر مرة كلمته كانت من أسبوعين كنت في العين السخنة، كان بيطمن على أحوالي، زي ما يكون بيودعني الوداع الأخير مكنش عاوز يقفل معايا المكالمة".

على الرغم من بعد المسافة السكنية بين "محمد" و"السيد" إلا أن علاقتهما كانت عميقة: "كنت بعتبر محمد أخويا الكبير اللي بيساعدني وبيقدملي الدعم، هو والده متوفى من زمان ووالدته هي اللي ربته هو وأخواته وتعبت عليهم وهما دلوقتي بيروحوا واحد وراء التاني، بنتها الكبيرة ماتت من 4 سنين بعد إصابتها بالسرطان، ودلوقتي محمد مات بسبب كمسري لا يعرف شيئا عن الرحمة".