بقلم :محمد محمود
مررتُ بلحظات شعرتُ فيها ان مخزون من التحمل قد نفذ واني لا احتمل اكثر من ذلك خَسرتُ كل شئ شعرتُ كثيرا انها قد تكون نقطه النهايه ؛ وان نهايتي قد حانت لكن لا شيئ من هذا حدث لم امت وها انا احتمل اكثر وبمرور الخسائر اتعلم جيًدا من اكون ادرك حجم قوتي واعرف جيًدا انه مهما فسد كل شئ سأنجو..
فقد ثق باللَّه !!
لو استسلمت متستسلمش لاي شيء سلبي في حياتك او في شخصيتك
وابدأ كل يوم بدايه جديده و متفكرش كتير فِ مستقبلك عشان متتعبش، متفكرش هتتخرج إمتى هتشتغل إيه هتتجوز مين هتتحب ولا لا ومتبصش لغيرك، صدقنى دماغك هتفضل تودى وتجيب وفِ الآخر هتلاقي ربنا مدبرهالك من عنده ولو ليك نصيب ف حاجه هتلاقى ربنا مسبب الأسباب عشان تبقي بتاعتك وبس , فمتقلقش رزقك محدش هياخده غيرك. انت بس اعمل اللي عليك وسيب الباقي ع ربنا
حاول وعافر مره واتنين وعشره مش معني انك وقعت مره ان خلاص كده الدنيا وقفت وانت فاشل و مفيش امل لا بالعكس اوقف وكمل وحاول تاني وهتوصل لحلمك ربنا مبيضيعش تعب حد انا مؤمن جدا ب كده
هو ممكن تكون كل حاجه حواليك سلبيه ومفيش حاجه تديك امل ولا تفاؤل ان بكرا احلي
بس انت ساعد نفسك بنفسك وشجع نفسك بنفسك كلهم حيطان مايله لو سندت عليهم هتقع وهتتكسر ومش هتقوم تاني ..
وطبعا كلنا عارفين الكلمه الشهيره بتاعت سعد زغلول (مفيش فايده) وكلنا مؤمنين جدا وبنرددها ديما ..
هوو اه ممكن تكون كل حاجه حواليك بتدل علي ان مفيش فايده.. بس انت تقدر تخلي في فايده ..
خلاصه الكلام ده كله ..إتعشم خير فى ربك