كتبت:عبير عمر
اوضح الرئيس عبد الفتاح السيسي خلال كلمته في المؤتمر الأول لمبادره حياه كريمه بالعاصمه الاداريه اليوم الاربعاء مسؤليه الاسره تجاه الابناء قائلا (لما اكون في بيت ظروفه صعبه هل من المناسب ان يكون عدد الابناء فوق طاقتي طيب هنعمل فيه اي؟ولما نتكلم في النقطه دي يقولك اعملوا تشريعات واجراءات حازمه فيما يخص النمو السكاني ولو اي انسان يتصور ان الفكره انك تاكل وتشرب لا انت بتختزل العلاقه بينك وبين ابناءك بشكل لا يليق اذا كنت تتصور ان كل هدفك انك تاكل وتشرب وانك اكلت وشربت تبقي عملت اللي عليك لا والله القضيه مش اكل وشرب بس)
وتابع الرئيس (العدد ده هيتلم ازاي وهيبقي ليه بيت بعد كده ازاي ؟ نبذل جهد كبير علشان نجري ونسبق ظروفنا الصعبه ولكن ان مكنتوش تساعدونا كلكم اللي قادر واللي يقدر يساهم واهالينا في كل حته ده تحدي كبير ودول مسلمه كبيره استطاعت التغلب علي هذه المشكلة وحلت المسألة من غير قوانين ولا حاجه والشعوب تفهمت وعرفوا انهم مش هيقدروا يمشوا بالطريقه دي
واضاف الرئيس قائلا ( مش هنهرب من تحدياتنا احنا محتاجين عشان نحقق كثافه معينه 250 الف فصل بتكلفه 125 مليار جنيه لانشاء الفصول
واضاف الرئيس ان الدوله لن تستطيع وحدها القيام بالنهوض بالمناطق الاكثر فقرا
وتابع الرئيس قائلا (قلتلكم من 5سنين عاوز في صندوق تحيا مصر رقم كبير اقدر استفيد منه بعيدا عن موازنه الدوله المثقله باعباء كثيره علشان نقدر نحل مسائل لا تتوافر لها الاموال اللازمه لتغطيتها.